那些年，我去过的海洋馆~（下）

琴日就讲左一下黎广州比较近或者广州市内嘅海洋馆

今日就讲下我去过比较远嘅海洋馆啦

第一个要介绍嘅系上海海洋水族馆

上海海洋水族馆系世界上最大嘅人造海水水族馆之一

系由新加坡星雅集团和中国保利集团

联合投资5500万美元打造而成

听上去就觉得落好重本好犀利

门口唔大

但系唔花哨

比人一种简约美观嘅感觉

距叫老虎鱼

系咪好靓呢~

不过距系有毒噶

入边有三层

入去先上到三楼

然后向下行

但系大家注意哦

参观路线系单行线

唔可以行回头路噶

呢度都算好多鱼

同HK海洋公园相比

呢度更偏重科普性

呢度冇机动游戏

但系可以学到好多海洋知识

翩翩起舞嘅魔鬼鱼

真系好想摸下距白花花嘅肚腩

肯定好软哈哈

超级呆萌嘅海龟

其实特别中意龟呢种生物

虽然距地动作慢

但系觉得距地好有智慧

各种色彩斑斓嘅热带鱼

睇到我目不暇接

我觉得最靓嘅系水母区同海底隧道区

d水母系灯光下不停变换颜色

好似一副画咁

睇住距睇游呀游

好似一只只小精灵咁

超软萌~

海底隧道都系好震撼

其实去每一个海洋馆都好中意海底隧道

因为从下往上睇鱼

先会有果种置身海底

同海洋融为一体嘅感觉

呢度参观时间大概2-3个钟

附近有东方明珠塔、环球金融中心、金茂大厦等等景点

大家可以将呢d景点安排系同一日

最后压轴介绍嘅

就系我个人认为我去过最好嘅海洋馆

台湾垦丁国立海洋生物博物馆

呢度超级大

而且系以教育为主

呢度冇动物表演

只有喂食表演

大家去到之后最好先去服务台拿个地图

然后睇睇各个馆嘅喂食表演时间

因为睇d动物食饭真系好好好过瘾哈哈哈

垦丁嘅海生馆入边分左三个区域

台湾水域馆 珊瑚王国馆 同世界水域馆

台湾水域馆同珊瑚王国馆系同一栋楼入边

世界水域馆就单独一栋楼

行到珊瑚王国海底隧道嘅时候啱好遇到喂食表演

超级无敌多鱼

如果情侣黎真系超级浪漫

好可爱嘅花园鳗

距回随著水流嘅方向转头

超级小胆

有小小风吹草动就缩都唔见影

珊瑚王国真系好大

感觉呢度系我之前睇过所有博物馆加埋咁大哈哈哈

海星超可爱啊

仲有体验触摸池可以摸摸距地

海星摸起身真系好软噶哈哈哈

行出室外就系海

超级正

其实呢度最有名嘅系海洋馆夜宿

不过今日我就唔详细展开讲住先

呢张系我全程最中意嘅一张相了

对住一堆水母影左好耐先影到呢张

建议大家一定要带单反黎

因为你真系见到每一样野都觉得好可爱好可爱

完全影到停唔落黎

呢个叫“海藻森林”

其实系三层楼高嘅一个超级无敌大水缸

入边养住三层楼长嘅海藻

近睇真系好似行入森林咁

超级靓

每个馆入边都有好多野睇

真系认真逛嘅话可以逛一日

讲真

台湾水族馆真系搞得好好

黎到呢度真系学习到好多野

寓教于乐

非常适合带小朋友黎

我去过嘅海洋馆就系咁多啦！

不如同我分享下你去过嘅海洋馆啦~

欢迎骚扰~

海洋馆就介绍到呢度啦！

听日见！

你有什么想去的地方？

你想知道哪里的攻略？

小编哪里还做得不够好？

欢迎在公众平台留言

或者私信我哦~

私人微信：KuangRenLY

么么哒(づ￣ 3￣)